Pamokoo LGBTQ Ban Ki-Moon anaguswa sana na haki za Gays

            Angalia Video hii 👇

Mwandishi: PAMOKO

Facebook: PAMOKO

Instagram: PAMOKO

Twitter: PAMOKO

YouTube: PAMOKO

Google: PAMOKO

BAN KI-MOON ANAGUSWA SANA NA HAKI ZA GAYS

Ikiwa May 17 ni siku ya kimataifa ya kupinga ubaguzi dhidi ya wapenzi wa jinsia moja, Aliyekuwa Katibu Mkuu wa Umoja wa Mataifa, Ban Ki-Moon alisema kundi hili bado linapata ubaguzi kuanzia majumbani mwao hadi maofisini hata kama kuna sheria zinazowatetea. Katika ujumbe wake Ban alisema majumbani wanatelekezwa, shuleni wanaburuzwa na maofisini hunyanyapaliwa na hata kukataliwa kuajiriwa kisa tu mtu ni shoga, msagaji au amebadili jinsia yake, LGBT.

Ban alisema kila mtu ana haki ya kuishi vile anavyotaka na kumpenda mtu amtakaye. Hata hivyo alisema licha ya kwamba nchi zinapaswa kuchukua hatua zaidi kulinda haki za mashoga na wapenzi wa jinsia moja, amesifu nchi 62 ambazo sasa zina sheria zinazopinga ubaguzi kwa misingi ya jinsia ya mtu. Alisema ni sahihi kubadili sheria lakini kubwa zaidi ni kubadili mtazamo wa jamii dhidi ya kundi hili.

Mtaalamu wa haki za binadamu wa Umoja wa Mataifa kutoka shirika la mpango wa maendeleo, UNDP Clifton Cortez aliambia Radio ya Umoja wa Mataifa kuwa utetezi wa kundi hili ni jambo la hatari hususani katika maadhimisho kama ya May 17 lakini ni jambo vema na sahihi kulifanya.

Sauti ya Cortez

“Bila shaka kuna hatari, na ni jambo ambalo tunapaswa kujiandaa kuchukua hatua. Kila wakati tumeweza kuchukua hatua stahili kwa njia sahihi katika kila mazingira. Lakini nafananisha na matukio mengine ya harakati za haki za binadamu duniani kote katika historia ya dunia, kama miji ya New York, hapa nitazungumzia Marekani kwa dakika chache! Nni hatari hiyo hiyo ambayo Wamarekani wenye asili ya Afrika na washirika wao walichukua walipoanza maandamano kusaka haki za raia miaka ya 50 na 60. Tunajua bila shaka ilikuwa na mafanikio makubwa na lilikuwa ni jambo sahihi, na kwa hili halina tofauti.”